ផ្លូវមាត់ព្រែកកំពតជិត៣គីឡូម៉ែត្រ ត្រូវស្ថាបនាអ៊ុតកៅស៊ូ AC បន្ថែម
(កំពត)៖ លោក ម៉ៅ ធនិន អភិបាលខេត្តកំពត បានដឹកនាំមន្ទីរជំនាញពាក់ព័ន្ធចុះពិនិត្យផ្លូវចាប់ពីចំណុចគល់ស្ពានថ្មថ្មី (ស្ពានកំពង់បាយ) រហូតដល់រង្វង់មូលត្រីផ្សោត កំណាត់ផ្លូវប្របមាត់ព្រែកកំពង់បាយ ស្ថិតក្នុងក្រុងកំពត ដើម្បីត្រៀមរៀបចំលើកកម្ពស់គុណភាព ដោយអ៊ុតកៅស៊ូ AC បន្ថែម លើផ្លូវចាស់ដែលបានអ៊ុតកៅស៊ូ AC ម្តងរួចមកហើយ ដើម្បីធានាឱ្យបាននៅភាពធន់ និងប្រើប្រាស់បានយូរបន្តទៀត។ សកម្មភាពនេះធ្វើឡើងនៅថ្ងៃទី៣ ខែកុម្ភៈ ឆ្នាំ២០២៥។ លោកអភិបាលខេត្តក៏បានណែនាំឱ្យមន្ទីរសាធារណការ និងដឹកជញ្ជូនខេត្ត រួមជាមួយមន្ទីរអភិវឌ្ឍន៍ជនបទខេត្ត ត្រូវធ្វើការត្រួតពិនិត្យ និងតាមដានលក្ខណៈបច្ចេកទេស ពិសេសអំពីគុណភាពផ្លូវមួយខ្សែនេះ ឱ្យបានល្អិតល្អន់បំផុត ព្រោះយើងត្រូវការប្រើប្រាស់រយៈពេលយូរទៅមុខបន្តទៀត។ លោកអភិបាលខេត្តក៏បានធ្វើការជំរុញដល់ក្រុមការងារបច្ចេកទេស…
ខ្យល់ពុលកម្រិតមធ្យមកើតមានតាមបណ្ដាខេត្តមួយចំនួននៅកម្ពុជា
ក្រសួងបរិស្ថានបានប្រកាសព័ត៌មានពីម្សិលមិញថា ខេត្តបន្ទាយមានជ័យ កោះកុង និងខេត្តពោធិ៍សាត់ស្ថិតក្នុងសន្ទស្សន៍គុណភាពខ្យល់ពណ៌ទឹកក្រូចដែលមានខ្យល់ពុលកម្រិតមធ្យមក្នុងបរិយាកាសនៅក្នុងបរិយាកាស ខណៈរាជធានីភ្នំពេញ ខេត្តកណ្ដាល កំពង់ចាម កំពង់ធំ សៀមរាប ឧត្តរមានជ័យ ព្រះវិហារ ស្ទឹងត្រែង ស្វាយរៀង តាកែវ និងខេត្តព្រះសីហនុស្ថិតក្នុងសន្ទស្សន៍គុណភាពខ្យល់ពណ៌លឿងដែលមានខ្យល់ពុលកម្រិតស្រាលនៅក្នុងបរិយាកាស។ ក្រសួងបរិស្ថានបានបញ្ជាក់ថា៖ «ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជាចាប់ពីម៉ោង៦ល្ងាចថ្ងៃទី១ ខែកុម្ភៈ ឆ្នាំ២០២៥ ដល់ម៉ោង៦ព្រឹកថ្ងៃទី២ ខែកុម្ភៈ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង៦៥.៥៦µg/m3 ធៀបនឹងស្តង់ដា៥០ug/m3 និងគិតជាសន្ទស្សន៍គុណភាពខ្យល់ គឺមធ្យម»។ ក្រសួងបានរៀបរាប់ថា នៅខេត្តមណ្ឌលគីរីនិងខេត្តរតនគិរីស្ថិតក្នុងសន្ទស្សន៍គុណភាពខ្យល់ពណ៌ខៀវដែលបញ្ជាក់ថាវាគុណភាពខ្យល់ល្អណាស់។ ចំណែកខេត្តបាត់ដំបង កំពង់ឆ្នាំង…
